Հեղինակային կրթական ծրագիր մշակող, կազմակերպող, տարածող մանկավարժական աշխատողի (այսուհետ՝ աշխատող) ուսումնական ծանրաբեռնվածությունը 2016-2017 ուսումնական տարում որոշվում է 2015-2016 ուստարում նրա գործունեության արդյունքների վերլուծության հիման վրա, հաստատված աշխատակարգով: Գործունեության վերլուծությունը կատարվում է ըստ երեք բաղադրիչների՝ մշակում, կազմակերպում, տարածում, նկատի ունենալով կրթահամալիրի 2015-2016թ. ուսումնական օրացույցները և դրա հավելվածները, կրթահամալիրի ներքին կարգապահական կանոնները, դասավանդողի պաշտոնական հրահանգը, աշխատողի աշխատաժամանակի անհատական պլանը, կրթահամալիրի տնօրենի ներքին իրավական ակտեր և այլ փաստաթղթեր:
Գործունեության առանձին բաղադրիչները գնահատելիս հաշվի են առնվում հետևյալ ցուցանիշները։
- Մշակում
- դասընթացի ծրագրի մշակում, լրամշակում
- ուսումնական նյութի ստեղծում
- կրթահամալիրի մեդիագրադարանում հրապարակված նյութ
- հոդված, այդ թվում՝ նաև հանրապետական և արտասահմանյան թերթերում, ամսագրերում
- հրապարակված այլ նյութեր
- թարգմանություն
- ֆլեշմոբի առաջադրանքներ կազմելուն մասնակցություն
- ստուգատեսներին ներկայացված նյութեր
- ուսումնական ճամբարների, պլեներների, ցուցահանդեսների, համերգների, մրցումների, հավաքների և այլ նախագծերի մշակում (պետք է հրապարակված լինեն)
- անձնական բլոգի վարում
- Կազմակերպում
- դասավանդում. այդ թվում՝ նաև սովորողի ընտրությամբ դասընթաց, ակումբ. բաց թողած ժամեր (նաև ընդհանուր պարապմունքից), փոխարինած ժամեր
- լրացուցիչ կրթության դասընթացի վարում
- առավոտյան ընդհանուր պարպմունք. կազմակերպում, մասնակցություն
- մեդիաուրբաթ. կազմակերպում, մասնակցություն
- ուսումնական ճամբար (ղեկավարում, մասնակցություն)
- ճամփորդություն (ղեկավարում, մասնակցություն)
- ստուգատես (ղեկավարում, մասնակցություն)
- պլեներ, ցուցահանդես, համերգ. կազմակերպում, մասնակցություն
- ֆլեշմոբ
- ենթակայք (ղեկավարում, մասնակցություն)
- էլեկտրոնային ամսագիր (ղեկավարում, մասնակցություն)
- խմբի բլոգ (ղեկավարում, մասնակցություն)
- ուսումնական ռադիո (ղեկավարում, մասնակցություն)
- ուսումնական TV (ղեկավարում, մասնակցություն)
- ուսումնական նախագիծ (ղեկավարում, մասնակցություն)
- շրջակա միջավայրի բարելավման նախագիծ (ղեկավարում, մասնակցություն)
- հանրօգուտ այլ նախագիծ (ղեկավարում, մասնակցություն)
- մանկավարժական աշխատողների շուրջտարյա դպրոցի պարապմունքների վարում, մասնակցություն, մանկավարժության ճամբարի նախագծի ղեկավարում, մասնակցություն
- կարգապահական տույժ
- խրախուսանք:
- Տարածում
- ելույթ ԶԼՄ-ներում
- արտագնա պլեներ, ցուցահանդես, համերգ. կազմակերպում, մասնակցություն
- հեղինակային կրթական ծրագրի տարածման նախագիծ
- կրթական փոխանակման նախագիծ
- տեղեկատվական թերթիկների մշակում, տպագրում, տարածում
- նոր սովորողի ընդգրկում